Innocentius episcopus servus servorum Dei Carissimo in Cristo filio Ferdinando Sicilie regi illustri salutem et apostolicam ben/(edictionem). Gratie divine premium et humane laudis preconium acquiritur si per seculares principes personis ecclesiaticis, presertim Cathedralium ecclesiarum / regimini presidentibus, oportuni favoris presidium et honor debitus impendantur. Hodie siquidem ecclesie Melphien(sis) Romane ecclesie immediate / subiecte ex eo quod nos nuper venerabilem fratrem nostrum Octavianum episcopum tunc Melphien(sem) in archiepiscopum Salenitanum electum / licet absentem a vinculo quo eidem eodem ecclesie Melphien(si) qui tunc preerat tenebatur, de fratrum nostrorum consilio et apostolice potestatis / plenitudine absolventes, ipsum ad ecclesiam Salernitanam tunc vacantem apostolica auctoritate duximus transferendum, preficiendo eum eidem ecclesie / Salernitane in archiepiscopum et pastorem, pastoris solatio destitute de persona dilecti filii Francisci electi Melphien(sis) nobis / et fratribus nostris ob suorum exigentiam meritorum accepta, de fratrum eorundem consilio dicta auctoritate providimus ipsumque illi prefecimus / in episcopum et pastorem, curam et administrationem eiusdem ecclesie Melphien(sis) sibi in spiritualibus et temporalibus plenarie / committendo, prout in nostris inde confectis litteris plenius continetur. Cum itaque fili carissime sit virtutis opus Dei ministros benigno / favore prosequi et eos verbis et operibus pro Regis eterni gloria venerari serenitatem tuam rogamus et hortamur attente quatinus eunden electum et ecclesiam predictam / sue cure commissam habens, pro nostra et apostolice sedis reverentia, propensius commendatos, sic eos tui favoris gratia prosequaris quod idem electus tue celsitudinis fultus presidio in commisso sibi regimine dicte ecclesie possit Deo propicio prosperari ac tibi exinde a Deo perempnis vite premium et a nobis condigna proveniat actio gratia. / Dat(a) Rome apud Sanctum Petrum, anno incarnationis dominice millesimo quadringentisimo octuogesimo sexto, / decimoctavo kalendas iulii, pontificatus nostri anno secundo.

Segnatura: I, 9 A.S.V.
Datatio cronica: 1486 giugno 14, II anno di pontificato di Innocenzo VIII papa
Datatio topica: Roma, presso S. Pietro
Trasmissione: originale [A]
Scrittore o rogatario: Philipus Postus
Bibliografia: G. Araneo, Notizie storiche della città di Melfi, 1866, pag. 164; MERCATI, Miscellanea Giovanni Mercati, p. 314
Autore: Innocenzo VIII papa
Destinatario: Ferdinando d’Aragona re di Sicilia

Innocenzo VIII papa, avendo trasferito Ottaviano [Bentivoglio]° vescovo di Melfi alla sede metropolitana vacante di Salerno, raccomanda a re Ferdinando d’Aragona la cattedra di Melfi – direttamente dipendente dalla Sede Apostolica - e il suo neo eletto vescovo Francesco [Caracciolo]°°.

Dimensioni e stato di conservazione: Membrana in mediocre stato di conservazione, interessata dalla presenza di macchie dovute ad umidità. Sono presenti lacune e rosicature lungo il margine superiore.
Annotazioni eventuali: sono presenti segni di cancelleria, mentre il sigillo papale deperdito.
Classificazione diplomatistica: documento pubblico.
° Cfr. Gams, Series episcoporum cit., pag. 986
°°Ibidem